فعلاً...(أُنكُش على الفرحة...بمُنكَاش..!!)
مشروع تدوينة (ا ت) عن الفرحة ..عن الرضا.. وراحـــــــــــة البــــــــــــــال
___ ___ ___
كتبت من غير تفكير ولا تذويق ..
الفرحة..لو غابت دوّر عليها... وما تيأسش..
هاتلاقيها فى حضن أمّك..
فى طبطبة أبوك..وحكمته..
فى مشاكسة اخواتك..ووأصحابك اللى بجد..
فى قلب اللى بيحبك فعلا..
هاتلاقيها فى عيون تشكرك لما تساعدها بخير وانت ماتعرفهاش..
هاتلاقيها فى ضحكة طفل برئ ..
وتجاعيد شيخ عجوز..
هاتلاقيها فى قرايه فى كتاب ..
وبالذات واول حاجة هاتلاقيها فى سجدة بالليل ودعوة خير ليك وللناس..وصفحة قرآن..وعمل صالح يشغلك عن شيطانك ووسواسه..وكدا يعنى
والغزالى رحمه الله..قال ..نفسك إن لم تشغلها بالحقّ..شغلتك هى بالباطل..
آه ونسيت أقول السحر نفسه..
هالاتقى الفرحة وراحة البال..فى طبيعة ربنا الساحرة..
فى شروق شمس دافية..فى طلعة قمر..فى سما صافية حنونة..او حتى بحر عميق وواسع عيونك ولا ألف عين تجيبله آخر..
تحملّه ألمك وأملك..
فعلا الفرح وراحة البال...نِعم علينا شكرها لو عشناها وحسينا..وعلينا حمد ربنا لو اتحرمنا منها او إتاجلت عننا شوية..
___________________________
جارى التحديث
وربنا يرزق قلوبكم فرح ما يفارقها وسعادة لا تنفصل عنها
ردحذفاللهم آمين
الحمد لله
شكرا على التدوينة الرائعة دية
أخّاذة هى بساطتك..وحرصك على التواجد عند حروفى الضئيلة المتضائلة
حذفآمين ولكم بأضعاف ما قلتم
مؤمنه أن كُل شيء سيولدُ فرحاً و سعادة إن اردنا ذلك :")
ردحذفمشروع جميل و قيمته تكمن في أننا سنبحثُ عن اشيائنا السعيدة ~
دام نبضُ حرفكَ فواحاً و دامت السعادة تدثرك
لروحك أطواق فرح و فيض نور
طبت
غُفران..
حذف(وإنى مرسل أليكِ بهدية فناظرٌ بم يرجع المرسلون..فإليك كل وضعف الفرح إن اسطعت أن أحصّل منه شيئا ولا أنتظر المرسلون.. وأظن مروركم والآخرون والأخريات..وهبنى قبائل فرح ونسمات أمان وعذوبة..
دمتى فى فرح وسعادة
هتلاقيها في حجات كتير كمان
ردحذفمنهم الكتابة و التدوين
تطوير هوايات
عمل الخير ، انت دكتور و عارف ( لسة فاكرة أم نفيسة )
مررت من هنا ..
دمتَ طيبا يا أسامة :))
أكيد..ولن أسامح نفسى على نسيانى القلم صديقى الغائب الحاضر دائما..لكننى أعشق الانسان..بإنسانيته وبآذانه وروحه يسمعنا بهما وبقلبه ينبض بالحب والفرح لفرحنا وبعقله يفكر ويطمح ونفسه الرقراقة..لا يستوى قلم وقلب غن صحّت المشابههة
حذفدمتى فى أمان وبركة ولا تحرمينا من حضورك الذى يذكرنا بالجنة وام نفيسة والفرح