مشروع تدوينة عن الفرح والسعادة ...والحب (2)

برضه كتبت من غير تحضير ...

 

جربت تعيش الحبّ؟

حُبّ بجد..؟!

الحب مش كلمة محصورة ولا معنى ضيّق..

الحب هو كل أحساس صادق..ومشاعرك تتحرك بيه بأخلاص..

لله اولا ..لأى انسان حتى لو أبوك أو أمّك..

        حِبّ..حِبّ علشان تعيش..

حِبّ علشان تبقى مشغول ومِتّاخِد..

حِبّ علشان تفرح بجدّ..

حِبّ علشان تحافظ على نفسك للى بيحبك اكتر ما بتحافظ عليها ليك..

حِبّ علشان تغيّر حياتك..

حِبّ علشان تشوف بعيون الحبّ والحبيب أحلى من شوفتك بعيونك انت وبس..

حِبّ علشان تقرأ وتكتب ويتولد جوّاك ألف نشاط من جديد..

حِبّ علشان تخلّى لحياتك معنى أكتر وأهم..

حِبّ علشان ماتعيشّ وحيد وتموت وحيد وتُبعَث وحيد..

حِبّ علشان بكرة وبعده وحتى ماضيك يتلوّن أحسن..

حِبّ بقى يا أخى أنت وهيّ..

حب علشان خاطرى ..وادعى لى أحب اااوووووووووى